ಕೃಷ್ಣಸಂಭವ

-

 An attempt at translating to Kannada, this beautiful 20-verse poetic beauty - "The Birth of Krishna" - by Sri Bhavesh Kansara (@kansaratva on Twitter): https://kansaratva.wordpress.com/2020/08/11/the-birth-of-krishna/


(Image is a picture taken of the exquisite painting by Sri Chandranath Acharya)


ಕೃಷ್ಣಸಂಭವ

ಆಗಸದೊಂದುಲಿ ಶಕುನವ ಮೊಳಗಿಸಿ
ಸುದ್ದಿಯನೆಲ್ಲೆಡೆಯೊದರಿಹುದು.
"ಕಂಸನೆ, ಭಯದಲಿ ದಿನಗಳನೆಣಿಸಿಕೊ,
ನಿನ್ನಳಿವಿನ ಹೊತ್ತಡರಿಹುದು!"

ಉಲಿವನು ಕೇಳಿದ ದೊರೆ ಬಲಶಾಲಿಗೆ
ಥರಥರ ನಡುಕವು ಹುಟ್ಟಿತ್ತು,
ದಿಗಿಲಿಗೆ ಕಂಗಳು ಕತ್ತಲೆಗಟ್ಟಿರೆ
ಶಂಕೆಯ ಬಲೆಯಾವರಿಸಿತ್ತು.

ಗುರುತರದಾಜ್ಞೆಯ ಸಾರಿತು ಬಾನುಲಿ
ಲೋಕವೆ ನಿಶ್ಚಲವಾಗಿರಲು,
"ದೇವಕಿಯೊಡಲಿನ ಎಂಟನೆ ಬಸಿರದು
ಸಿಗಿವುದು ನಿನ್ನನು ನೇಮದೊಲು."

ಸ್ತಂಭಿಸಿ ನಿಂತನು ನಿರ್ದಯ ರಾಜನು
ತುಂಬಿರೆ ಕತ್ತಲು, ನೀರವತೆ.
ಕೇಡಿನ ಕಿಡಿಯೊಂದಿಣುಕಿತು ಮನದಲಿ
"ಉಳಿಯುವುದೇತಕೆ ಸಹಜಾತೆ?"

ಕೃತ್ರಿಮಹಾಸವ ಮೊಗದಲಿ ಸೂಸುತ
ಹುಡುಕಿದನವಳನು ಗರಬಡಿದು
ಕಂಡೊಡನೆಯೆ ತಾ ಬೀಸಿದ ಗದೆಯನು
ಬೆಚ್ಚಿದ ದೇವಕಿ ಮುದುಡಿದಳು.

ಬೇಡಿದ ವಸುದೇವನು ಸತಿಯುಳಿವಿಗೆ
"ದೇವಕಿ ನಿನಗೇನೆಸಗಿಹಳು?
ಬೇಡುವೆ ರಾಜನೆ, ಕೊಲ್ಲದಿರವಳನು
ಬೇಡುವೆನೋ, ಕೇಳೆನ್ನಳಲು!

ಪಡೆಯುವ ಮಕ್ಕಳನೆಲ್ಲವ ಮರೆಯದೆ
ನಿನಗೊಪ್ಪಿಸುವೆವು, ವಚನವಿದು!
ಬೇಡುವೆ ನಿನ್ನನು, ತಿಳಿದವ ನೀನಿಹೆ,
ದೇವಕಿಯುಳಿವಿಗೆ ಕರುಣೆಯಿಡು!"

ಸದ್ಯದಲವರನ್ನುಳಿಸಿದ ಸಿಡುಕನು
ಕತ್ತಲಕೋಣೆಗೆ ದೂಡುತಲಿ,
ಮಗುವೊಂದಳುತಿಹ ಸಪ್ಪಳವಾದೊಡೆ
ಧಾವಿಸಿ ಬಂದನು ತುರ್ತಿನಲಿ.

ಒಂದು ಎರಡು ಮೂರ್ನಾಲ್ಕೈದಾರದೊ!
ಕಂಸನು ಹಿಂಡಿದನಸುಗಳನು,
ಶೋಕದಿ ಮುಳುಗಿದ ಬಡದಂಪತಿಗಳು
ನೆನೆದರು ಮನದಲೆ ದೈವವನು.

ಮಾಗಿಯ ನಿಶೆಯೊಲು ದಿನಗಳು ಕಳೆದವು
ನಿಟ್ಟುಸಿರಡಗಿತು ಕತ್ತಲಲಿ,
ದೇವಕಿ ಮಲಗಿದಳುಡುಗಳ ದಿಟ್ಟಿಸಿ
ಕಂಬನಿದುಂಬಿದ ಕಂಗಳಲಿ.

ಹರಿ ತಾ ನಗುತಲಿ ತಿರುವಿದ ಚಕ್ರವ,
ಶಕುನವು ಕೈಗೂಡುವ ಹೊತ್ತು;
ದೇವಕಿಯೊಡಲಿನ ಏಳನೆ ಬಸಿರದು
ರೋಹಿಣಿಗರ್ಭವ ಸೇರಿತ್ತು!

ಕಿಡಿಕಾರುತ ದೊರೆ ನುಗ್ಗಿರೆ ಮಗುವಿಗೆ
ಅಸುವಿಲ್ಲೆಂದನು ವಸುದೇವ,
ಕಂದನ ಕಾಣದೆ ದರ್ಪದಿ ನಗುತಲಿ
ಎಂಟರ ಹಾದಿಯ ಕಾದನವ.

ಬಂಧನವೆನಿತೇ ದುಸ್ಸಹವಾಗಲಿ
ಹೊಸತೊಂದಾಸೆಯು ಮೊಳೆತಿತ್ತು;
ದಂಪತಿ ಬೆರಗಿನಲೆಣಿಸಿದರೊಮ್ಮೆಗೆ,
ವಿಭು ಮುನ್ನಡೆಸುವನೆನಿಸಿತ್ತು.

ಶ್ರಾವಣ ಬಹುಳದ ಎಂಟರ ತೇದಿಯ
ಕಾರ್ಮುಗಿಲಡರಿದ ನಟ್ಟಿರುಳು
ಶ್ರೀಹರಿಕೃಪೆಯಿಂದಾವಿರ್ಭವಿಸಿತು
ಎಂಟನೆ ಮಗು ತಾ ಶಾಂತಿಯೊಳು.

ಬಿರಿದವು ಕಾರಾಗಾರದ ಕದಗಳು,
ಸರಪಳಿಯೊಡೆಯಿತು ಕತ್ತರಿಸಿ;
ವಸುದೇವನ ಮನ ಪುಳಕದಿ ಜಿಗಿಯಿತು
ಕಂದನ ಬದುಕಿಸಬಹುದೆನಿಸಿ.

ಕುಕ್ಕೆಯೊಳಿಕ್ಕುತ ನಗುತಿಹ ಮಗುವನು
ಕಾಪನು ತಪ್ಪಿಸಿ ಸಾಗಿದನು;
ನೆರೆದುಂಬಿದ ನದಿ ತಾಂಡವವಾಡಿರೆ
ದಾಟುವುದೆಂತದರಾಳವನು?

ಹಸುಳೆಯನೆತ್ತರದಲಿ ಹಿಡಿದನು ಪಿತ
ದೈವದ ನೆರವಿಗೆ ಕಾತರಿಸಿ;
ಹಾದಿಯು ಮೂಡಿತು ನದಿಯೊಳು, ನಂದನ
ಕಡೆಗವ ನುಗ್ಗಿದನಾತುರಿಸಿ.

ನಂದನ ಮಡದಿ ಯಶೋದೆಯು ಹಡೆದಳು
ಹೆಣ್ಣೊಂದನು ಆ ರಾತ್ರಿಯಲಿ;
ಮಕ್ಕಳ ವಿನಿಮಯಗೊಳಿಸಿದ ಶೌರಿಯು
ಮರಳಿದ ಬೆಳಗಾಗುವುದರಲಿ.

ದರ್ಪದ ಕಂಸನು ಕೆಡುಕನೆ ಕಾರುತ
ಬಂದನು ಗೇಲಿಯ ಮಾಡುತಲಿ,
ಮುಷ್ಟಿಯ ಬಾನೆಡೆಗಣಕಿಸಿ ತೋರಿದ,
ಕೈವಶವಾಗಿಹನೆದುರಾಳಿ!

ಹಸುಳೆಯನೊಗೆದನು ಬಲ್ಮೆಯ ಕೂಡಿಸಿ
ಕಣ್ಮರೆಯವಳೋ ಕಿಡಿಯವೊಲು!
ಕೇಡಿಗ ರಾಯನು ಭಯದಲಿ ಬಿಳಿಚಿದ,
ಹಗೆ ಹೊರಗೆಲ್ಲೋ ಬದುಕಿಹುದು!

- ವೆಂಕಟೇಶಪ್ರಸನ್ನ

 

Comments

Post a Comment

Popular posts from this blog

Bhagyada Lakshmi Baramma: Lyrics and Some of the Best Renditions

-
Image
Lyrics of Bhagyada Lakshmi Baramma in DevanAgari, English transliteration and Kannada: भाग्यद लक्ष्मी बारम्मा । नम्मम्म नी सौभाग्यद  लक्ष्मी बारम्मा ॥ हेज्जेय मेले हेज्जेयनिक्कुत गेज्जे काल्गळ ध्वनिय तोरुत । सज्जन साधु पूजेय वेळेगे मज्जिगेयोळगिन बेण्णेयन्ते ॥ १ ॥ भाग्यद लक्ष्मी बारम्मा ॥ कनक वृष्टिय करेयुत बारे मनकामनेय सिद्धिय तोरे । दिनकर कोटि तेजदि होळेयुव जनकरायन कुमारि बेग ॥ २ ॥ भाग्यद लक्ष्मी बारम्मा ॥ अत्तित्तलगदे भक्तर मनेयलि नित्य महोत्सव नित्य सुमन्गळ । सत्यव तोरुव साधु सज्जनर चित्तदि होळेयुव पुत्थळि बोम्बे ॥ ३ ॥ भाग्यद लक्ष्मी बारम्मा ॥ सङ्ख्येयिल्लद भाग्यव कोट्टु कङ्कण कैय तिरुवुत बारे । कुङ्कुमाङ्किते पङ्कज लोचने वेङ्कटरमणन बिङ्कद राणी ॥ ४ ॥ भाग्यद लक्ष्मी बारम्मा ॥ सक्करे तुप्पद कालुवे हरिसि शुक्रवारद पूजेय वेळेगे । अक्करेयुळ्ळ अळगिरि रङ्गन चोक्क पुरन्दर विठ्ठलन राणी ॥ ५ ॥ भाग्यद लक्ष्मी बारम्मा ॥ bhAgyada laxmI bArammA | nammamma nI saubhAgyada  laxmI bArammA || hejjeya mele hejjeyanikkuta gejje kAlgaLa dhvaniya t...
Read more

Kannada translation of Robert Frost's "The Road Not Taken"

-
  Kannada translation attempt of Robert Frost's famous poem "The Road Not Taken": ನಡೆಯದ ಹಾದಿ ಕವಲೊಡೆಯಿತೆರಡಾಗಿ ಕಾನನದ ಹಾದಿ, ಅವುಗಳೆರಡಿಹವು; ನಾ ದಾರಿಯೊಳಗೊಂಟಿ. ಸವೆಸಲಾರೆನು ನಾನು ಒಮ್ಮೆಗೆರಡೆನುತ, ಎವೆಯಿಡದೆ ನೋಡಿದೆನು ಒಂದನನವರತ, ಕವಿದು ಪೊದೆಯೊಳಗದುವೆ ಮರೆಯಾಗುವನಕ. ಎರಡನೆಯ ಹಾದಿಯದೆ ಸರಿಯೆನಿಸಿ ಹಿಡಿದೆ, ಚರಿಸೆನ್ನ ಮೇಲೆನುತಲದು ಕರೆಯುತಿತ್ತು. ಹೊರವಾಗಿ ಹುಲ್ಲಿತ್ತು, ಸವೆತ ಬಯಸಿತ್ತು. ತಿರುಗಾಡಿ ತುಸು ದೂರ ನಡೆದಂತೆ ತಿಳಿದೆ, ಸರಿಸಮದ ಸವಕಳಿಯೆ ಎರಡರೊಳಗಿತ್ತು. ಆ ದಿನದ ಬೆಳಗವುಗಳೊಂದರಂತೊಂದು ಮೂಡಿದವು, ತರಗುಗಳ ತುಳಿದ ಕಪ್ಪಿರದೆ. ಆದಿಯದನಿನ್ನೊಂದು ದಿನಕುಳಿಸಿ ಹೊರಟೆ. ಹಾದಿ ಹಾದಿಗೆ ಹಾದಿ ತೋರುವುದನರಿತು, ಪಾದಗಳು ಹಿಂದಿರುಗಿ ಬರುವ ನಚ್ಚಿರದೆ. ನಿಡುಸುಯ್ದು ಹೇಳುವೆನು ಮುಂದೆ ನಾನಿಂತು - ಕಡೆಯಲ್ಲಿ, ಹಲವಾರು ವರುಷಗಳ ಕಳೆದು, ಒಡೆದು ಕವಲಾಗಿರಲು ಪಥವೆರಡು ವನದಿ, ಕಡಿಮೆ ಬಳಸಿದ ಪಥವ ತುಳಿದು ನಾ ನಡೆದೆ; ಪಡೆದೆ ನಾ, ಬೇರೆಯದೆ ಫಲಗಳನು ಪಡೆದೆ. The original poem: The Road Not Taken Two roads diverged in a yellow wood, And sorry I could not travel both And be one traveler, long I stood And looked down one as far as I could To where it bent in the undergrowth; Then to...
Read more

ಮಂಜಿನ ಸಂಜೆಯ ಅರಣ್ಯವಾಸ್ತವ್ಯ - Kannada Translation of "Stopping By Woods on a Snowy Evening" by Robert Frost

-
Image
An old attempt at translation of Robert Frost's poem "Stopping By Woods on a Snowy Evening" to Kannada: ಮಂಜಿನ ಸಂಜೆಯ ಅರಣ್ಯವಾಸ್ತವ್ಯ ಅಡವಿಯಿದು ಯಾರದೆಂದಿದೆಯೆನಗೆ ಅರಿವು ಹಳ್ಳಿಮನೆಯೊಳಗುಂಟು ಇದರೊಡೆಯನಿರವು ನಾನಿಲ್ಲಿ ತಂಗಿದ್ದನವ ತಿಳಿಯಲಾರ - ನೋಡುತ್ತ ಅವನಡವಿಯ ಮಂಜು ಮುಸುಕಿದ ಹರವು ವಿಚಿತ್ರವೆನಿಸಬಹುದೆನ್ನ ತೇಜಿಗೀ ವ್ಯವಹಾರ ಹೊಲಮನೆಯಂಗಳವಿಲ್ಲದೆಡೆ ಬಿಡಾರ ಹೆಪ್ಪುಗಟ್ಟಿದ ಹಳ್ಳ ಅಡವಿಗಳ ನಡುವೆ ಅತಿಕರಾಳ ಸಂಜೆಯಂದು ತಳೆದ ಈ ನಿರ್ಧಾರ ರಿಂಗಣಿಸಿದೆ ಹೂಡುಗಂಟೆ ಮೈಯನೊಮ್ಮೆ ಕೊಡವೆ ತಪ್ಪಾಗಿದೆಯೇನೊ, ಒಮ್ಮೆ ನೋಡೆಂಬ ಗೊಡವೆ ಸುತ್ತಲಿನ ಪರಿಸರ ಬಹಳಷ್ಟು ಪ್ರಸನ್ನ ಹಗುರ ಹವೆ ಹಿಮಪಾತ, ಉಳಿದಂತೆ ಜಡವೆ ಕತ್ತಲಿದೆ ಗಹನವಿದೆ ಅಡವಿಯಿರಬಹುದು ಚೆನ್ನ ನಡೆಸುವುದಿದೆ ಕೊಟ್ಟ ಹಲವು ಮಾತುಗಳನ್ನ ಮೈಲುಗಳ ಪಯಣವಿದೆ ಕಣ್ಣ ಮುಚ್ಚುವ ಮುನ್ನ ಮೈಲುಗಳ ಪಯಣವಿದೆ ಕಣ್ಣ ಮುಚ್ಚುವ ಮುನ್ನ... -ವೆಂಕಟೇಶಪ್ರಸನ್ನ The original from Robert Frost: Stopping By Woods on a Snowy Evening Whose woods these are I think I know.    His house is in the village though;    He will not see me stopping here    To watch his woods fill up with snow. ...
Read more